Giđđudeaddji guovssahasat

Go lea doarvái seavdnjat ja lea jalahas, sáhtát oaidnit imašlaš čuovggaid almmis. Guovssahasat libardit juoba golmma ija njealjis Ohcejoga guovllus. 

Guovssahasaid dieđalaš namma Aurora Borealis boahtá 1600-logus. Namma oaivvilda davvi iđitroađi. Suomagielat namma revontulet boahtá dološ suopmelaš jáhkus, man mielde dollarieban fađđu seibbiinis bávttiid dahje duottarvilttiid nu ahte buollaha ná čuotnamiid, guovssahasaid. Sápmelaččaid dološ oskumušaid mielde guovssahasat šaddet go rieban fađđu seibbiinis muohttaga.

Guovssahasat šaddet, go beaivváža koronas vulget ávnnasčalmmážat, ng. beaivvášbiegga, man suonjarčalmmážat deivet eanaspáppa áibmogeardái. Čalmmážat báhcet eanaspáppa magnehtagietti fáŋgan ja gártet guovdu poláraguovlluid – guovssahasat šaddet.

Guovssahasaid dovdet muhtun earáláganiid. Uhcánaš arvedávggi sulastahtti nuorta–viesttar-háltásaš dávgi davvin almmis gohčoduvvo Davvi Poartan (Pohjan Portti). Juoba moatte sekunddas almmi dievva sáhttet leat giđđudeaddji guovssahasat.

Jos guovssahashámit leat aiddo du bajábealde, oainnát guovssahaskorona. Guovssahaskoronas vuollin bajásguvlui manni báddelágan ráhkadusat dego suddet oktii almmiravddas. 

Buoremus geahčadanáigi lea eahketgávcci sulain, muhto jos váibasat eai vuos dovdo ja mášat bissánit muhtun áigái vuorddašit idjaguovdil, lea dus dallege stuorra vejolašvuohta oaidnit duon ivnniid libardeami. 

Davvi almmis guovssahasat oidnojit máŋggaid mánotbajiid áigge. Fiidnásamos áigi lea jalahassan giđđadálvve, goas čuoigansiivvutge leat buoremus muttus. Dalle gánnáha vuolgit čuoigga dahje vácci idjareisui – ja oaidnit mo almmis čuovggáhallá!