Dolles Njuorggámis – lihkolaš olbmuid gilis
Suoma davimuš gilis ja Europa uniovnna davimuš báikkis ássšt unna gilážis olbmot, geat ellet luonddus, turismas ja rádjagávppis. Njuorggámis gávnnat maiddái bohccobiergobuvddaid.
Njuorggáma sadji lahka Deanu njálmmi addá buorre vejolašvuođa stuorra luosa bivdiide. Deanu dovddus luossabivdobáiki, Vuollegeavŋŋis, geasuhage juohke jagi sihke suopmelaš ja olgoriikalaš guolásteaddjiid Njuorggámii.
Deatnu lea beakkán luosastis, muhto dat leamaš maiddái don doložis johtolatráigin, mii lea geavahuvvon hálddahus- ja gávpejohtolagas jo 1500-logus. Vuollegeavgŋá garvima várás Deanu gáddái šattai máđii stuorát rávttaid várás. Dát guoikka garvinmáđii lea dál museageaidnu, gos leabbana fiinna oainnus Deanu ala.
Jos dus lea miella vájuldit, de Njuorggáma biras fállá fiinna vejolašvuođaid vánddardit. Jiekŋameara ovddeš vuonas šaddan Buolbmatjávrri birrasii beasat oahpásmit iehčanassii vájuldemiin dahje turismafitnodagaid fállan vánddardanráissuin birra jagi. Guovlu lea buorre earenoamážit lottiid ja šattuid geahččamii. Turismafitnodagat lágidit reaissuid Njuorggámis maiddái Várjjatvutnii, vaikkeba mohtorgielkkáin.
Njuorggámis sáhtát čuoiggadit dálvit duoddariid alde, hahpput Sámieatnama buhtes áimmu ja návddašit luonddu jaskesvuođas. Geasse- dahje čakčaluonddu beassá geahčadit kilomehtera duohken Njuorggáma guovddážis álgi Skáidejávrri bálgá alde, gos oidnodat ollá čuđiid kilomehteriid duohkái.