Oaidnámušat

Ohcejoga girkosiida

Áilegasa vuolde

Dolles Ohcejoga girkosiiddas

Leat Ohcejoga (Utsjoki), sihke Suoma ja Europa uniovnna davimuš gieldda girkosiiddas. Dáppe luondu lea álo lahka.

Ohcejoga girkosiidda lahka bivdet guoli birra jagi. Deatnu lea gilis sihke bajás- ja vulosguvlui buorre luossabivdoguovlu. Dálvit lagašduoddariid dápmot- ja rávdočázit geasuhit oaggut jieŋa alde.

Sáhtát oahpásmit Ohcejoga historijjálaččat mearkkašahtti girkui, páhpa dállui ja girkostobuide, Bassi Ulriika sáhkáhii sihke boares hávdeeatnamii ja stohpogieddái Máttajávrri gáttis. Orustit gánnáha dan lassin Gilidállu Giissás, man káfestallanlatnjii gili olbmuin lea vierrun čoahkkanit. Gilidálus vuvdet maiddái báikkálaš dujiid.

Girkosiiddas ja dan lahkosis vulget máŋga lotkkiidit hásttuheaddji luondobálgá ja vázzingeinnodaga. Daid mielde beasat vájuldit ráfis – moadde diimmu dahje vaikke máŋga beaivvi. Fárrui sáhtát váldit luonddus ja báikálaš historjjás muitaleaddji ofelačča, gii fuolaha dádjadeamis, nisttiin ja biergasiin. Gaskkohagaid gánnáha bisánastit dollagátti lieggasii ja goađi gurrii návddašit báhkka juhkamušas ja bosihit. Dovddat, mo hoahppu báhccá guhkás duohkái.

Sajádat

99980