Suoma čábbasamos geaidnu

Nugo stuorra gávpogiin, guhkes gaskkaid Sámisge mátki ii mihtiduvvo kilomehteriid, muhto áiggi mielde. Mátkái geavahuvvon áigi ii dieđusge rehkenasto dalle, go geinnodat lea válljejuvvon estehtalaš ákkaiguin. Suoma čábbasamos geaidnoossodaga – Deanugeainnu – sáhttá vuodjit nu hihtát ahte geargá geahčadit fiinna oidnosiid.

Gáregasnjárgga gili ja Ohcejoga girkosiidda ovttastahtti Deanugeaidnu mohkohallá goas vuollin Deanuleagis, goas fas allelis gáddedearpmi mielde stuorra luondduluossaoaivádagaid juohkegeassásaš oali guorramiin. Deanu leahki lea sullii kilomehtera govdosaš ja 200–300 mehtera čieŋal.

Guovlogeainnu huksema muitomearkan Báktevári várdobáikái lea ceggejuvvon nu gohčoduvvon Mauno geađgi, geainnu rahpan Mauno Koivisto mielde. Silkebáttiid čuohppama sadjái presideanta vihahii geainnu atnui sahámiin Deanufatnasa rastá

Gáregasnjárgga ja Ohcejoga gaskkas leat smávva sámegilážat Roavesavu, Vuovdaguoika, Dálvadas ja Nuvvos sihke golbma bassi Áilegasduoddara; Gáregasnjárggas, Nuvvosis ja Ohcejogas. Ceakko Nuvvos-Áilegas-duoddarii goargŋun gánnáha, oidnosat Deanuleahkái leat oalle juo fiidnát. Johka mohkohallá silba báddin ja suhkkes soahkevuovddit ivdnejit vilttiid ruonasin.