Oaidnámušat

Ohcejoga girkostobut

Ohcejoga girkostobut

Ohcejoga girku, báhppal ja girkostobut, Bassi Ulriikka sáhkát, boares hávdeeana ja šilljogieddi Máttajávregáttis leat Ohcejoga kulturhistorjjálaččat eanemus mearkkašahtti báiki. Guovllus lea ássojuvvon juo ovdahistorjjálaš áigge.

Jagis 1854 válmmaštuvvan geađgegirku lea huksejuvvon girkobávttis laigojuvvon ránes granihtas. Ohcejoga ovddeš girkus báhcán sáhkátoassi lea boares hávdeeatnama ravddas. C.L. Engela plánen, 1840-logus huksejuvvon báhppal lea ovttageardásaš empirestiilla dállu. Šilljobirrasii gullet ruksesmuolddain málejuvvon olgoviesut. 

Girkostobut leat dološ, sámesogaid oamastan stobut, main idjaduvvui ja ássojuvvui stuorra girkobasiid áigge. Stobut leat 1800-logu álggus. Girkostohpobiras lei ovdal okta Ohcejoga guovddášbáikkiin, ja vel 1930-logus dat lei viššalis anus.

Ovdalaš áiggiid stobut ledje moaddelogi, muhto gaskkohagaid daid sirde eará sadjái. Dál báikki alde leat 14 máhcahuvvon ja ovddeštuvvon girkostobu. Girkostobuid olgomuseabirrasii sáhtát oahpásmuvvat birra jagi. Geassit beasat guovllastit ovddeštuvvon girkostobuide maid ovttas oahpisteaddjiin. Girkostobuide oahpásmuvvan lea nuvttá.

Girkostobuid birrasis sáhtát návddašit geassit njálgga váffelgáhkuin, mat vuvdojuvvojit Ohcejoga searvegotti vuolggahusbarggu buorrin. Ovddošit ja oastit sáhtát maid báikkálaš duodjesearvvi dujiid Geasse-Šielas.

Sajádat

99980Utsjoki