Dolles Sámegilis

Ohcejohka (Utsjoki) lea Suoma áidna gielda, gos lea sámegielagiin eanetlohku. Suoma davimuš gieldda sámegiliin – Ohcejoga girkosiiddas, Njuorggámis (Nuorgam) ja Gáregasnjárggas (Karigasniemi) – deaivvahat dálá árgabeaivvi sápmelašvuođa: ealaskas, oidnojeaddji, gullojeaddji, smáhkka ja dovdu.

Sápmelaččaid ealáhusat vuođđuduvvet kultuvrii, iežas guvlui ja dan luonddu máŋggabealat geavaheapmái. Árbevirolaš boazodoallu lea duottaralážiin, gos bohccot guhtot luođus. Johgátte sápmelaččaid guollebivdokultuvra fas lea Deatnoleagis. Luossabivdu leage deaŧalaš Ohcejogas earet guovllu olbmuide, de maiddái turismaealáhussan.

Sámegiliin geasseturista návddaša lunddolaš čuovggas birra jándora. Dálveturista fas gávdná ráfi skápmaáiggi čuovggain ja ivnniin. Báišduoddara ja Gálddoaivve meahcit fállet fidniide garasvuođasge čáppa duottarduovdagiid ja ravdameahttunvuođa dovddu, man ektui Deatnoleagi ruonasvuohta healkkehahttá.

Ohcejoga ássan lea čohkiidan Suoma ja Norgga gaskasaš rádjajoga, Deanu, gáttiide. Norgga lagašvuohta vuhtto nu rádjagávppis go maiddái duovdagiin. Ohcejoga čađa johttojuvvo Davvi Jiekŋameara gáddái, Nordkappii ja Várjjaga guvlui. Gáregasnjárgga gili ja Ohcejoga girkosiidda ovttastahttá okta Suoma čábbasamos geaidnoossodagain, Deatnogátti johtti Deanugeaidnu Tenontie. Dan guoras leat maiddái smávva sámegilit Roavesavu, Savu, Dálvadas ja Nuvvos.